Ayushman Renewal: ગુજરાત સરકાર દ્વારા આવકના ધોરણે બનેલા આયુષ્માન કાર્ડની રીન્યુઅલ પ્રક્રિયા અંગે મહત્વપૂર્ણ જાહેરાત. કોને રીન્યુઅલ કરાવવું જરૂરી? ક્યાં અને કેવી રીતે કરાવશો e-KYC સાથે આયુષ્માન કાર્ડ અપડેશન? સંપૂર્ણ માહિતી અહીં વાંચો.
Ayushman Renewal: આવકના ધોરણે બનેલા આયુષ્માન કાર્ડના રીન્યુઅલ
Ayushman Renewal: ગુજરાત સરકારે રાજ્યમાં આવકના આધારે મળતા આયુષ્માન કાર્ડની રીન્યુઅલ પ્રક્રિયા તાત્કાલિક પૂર્ણ કરવા માટે લાભાર્થીઓને સૂચના આપી છે. હાલમાં મા વાત્સલ્ય યોજના તથા આયુષ્માન ભારત – પી.એમ.જે.એ.વાય. હેઠળ લાખો પરિવારોને મફત આરોગ્ય સારવારનો લાભ મળી રહ્યો છે. પરંતુ નવા ઇન્કમ સર્ટિફિકેટ તથા કેટેગરી અપડેશનને કારણે ઘણા કાર્ડોની માન્યતા પૂર્ણ થઈ ચૂકી છે અથવા જલ્દી પૂર્ણ થવાની છે. તેથી લોકો ને કોઈ પણ મુશ્કેલી ન પડે તે માટે સરકાર દ્વારા આ મહત્વપૂર્ણ સૂચના જાહેર કરવામાં આવી છે.
કયા પરિવારોને કરાવવું પડશે રીન્યુઅલ?
મધ્યમ વર્ગીય પરિવારોમાં આવતા વાર્ષિક રૂ. 4 લાખ સુધી આવક ધરાવતા પરિવારોને મા વાત્સલ્ય યોજનામાં કાર્ડ અપાય છે. જ્યારે વાર્ષિક રૂ. 6 લાખ આવક ધરાવતા સિનિયર સિટિઝનવાળા કુટુંબો તથા સામાજિક ધોરણે પાત્ર બનેલા હોય પરંતુ હવે આવકના આધારે કાર્ડ મેળવવા પાત્ર થનાર તમામ લાભાર્થીઓને અનિવાર્ય રીતે રીન્યુઅલ કરાવવું પડશે. આવકમાં ફેરફારને કારણે કેટેગરી બદલાઈ હોય તો નવી કેટેગરી મુજબ કાર્ડ જારી કરાશે.
રીન્યુઅલ પ્રક્રિયા ક્યાં અને કેવી રીતે?
લાભાર્થીઓ નજીકની યોજનાથી જોડાયેલ હોસ્પિટલ અથવા ઈ-ગ્રામ સેન્ટર ખાતે જઈ કાર્ડ અપડેશન કરાવી શકે છે. ઉપરાંત, ઘરે બેઠા https://beneficiary.nha.gov.in/ પોર્ટલ પર જઈ PMJAY ID વડે લોગિન કરીને કાર્ડ રીન્યુ કરી શકાય છે. જો કાર્ડ Expired દેખાય તો પોર્ટલ પર દર્શાવેલ Action Button ક્લિક કરીને પ્રક્રિયા પૂર્ણ કરવી રહેશે.
e-KYC ફરજીયાત – PMJAY ID અચલ
રેકોર્ડ અપડેટ માટે આધાર આધારિત e-KYC ફરજીયાત રાખવામાં આવ્યું છે. e-KYC પૂર્ણ થયા બાદ આવકના દસ્તાવેજોની ચકાસણી રાજ્યની મશીનરી દ્વારા કરવામાં આવશે. રાજ્ય સરકારે સ્પષ્ટ કર્યું છે કે PMJAY IDમાં કોઈપણ પ્રકારનો ફેરફાર નહીં થાય. ઉપરાંત, જો કેટેગરી બદલાવને કારણે નવો કાર્ડ જારી થઇ ચૂક્યો હોય, તો જૂના કાર્ડને ફરી સક્રિય કરવામાં નહીં આવે.
લાભાર્થીઓ માટે મહત્વપૂર્ણ અપીલ
સરકારે લોકોને અનુરોધ કર્યો છે કે રીન્યુઅલ પ્રક્રિયા વહેલી તકે પૂર્ણ કરી સરકારી આરોગ્ય સહાયનો લાભ સતત મેળવો. કોઈ વહીવટી વિલંબ કે સારવારમાં અવરોધ ન આવે તે માટે સમયસર કાર્યવાહી જરૂરી છે. જરૂર પડે તો નજીકના સેન્ટર અથવા હેલ્પલાઇનનો સંપર્ક કરી જરૂરી માહિતી મેળવી શકાય છે.
નિષ્કર્ષ
Ayushman Renewal આયુષ્માન ભારત અને મા વાત્સલ્ય જેવી આરોગ્ય યોજનાઓ સામાન્યથી લઈને મધ્યમ વર્ગીય પરિવારોને મફત અને ગુણવત્તાસભર સારવારનો દ્વાર ખોલે છે. પરંતુ આવકના આધાર પર કાર્ડની યોગ્યતા માપવામાં આવતી હોવાથી સમયસર રીન્યુઅલ કરાવવું અત્યંત જરૂરી છે.