Cyclone Ditwah: બંગાળની ખાડીમાં ચક્રવાત દિત્વાહ સક્રિય, શ્રીલંકા પાસે ભારે વરસાદ અને તોફાની પવનની સંભાવના. ઉત્તર તમિલનાડુ, પુડુચેરી અને દક્ષિણ આંધ્રપ્રદેશ માટે ઓરેન્જ એલર્ટ; શાળા–કોલેજો બંધ અને માછીમારોને દરિયામાં ન જવા સૂચના.
Cyclone Ditwah: ચક્રવાત ‘દિત્વાહ’નો ખતરો વધ્યો
દક્ષિણપશ્ચિમ બંગાળની ખાડી અને શ્રીલંકાના દરિયાકાંઠા પાસે રચાયેલ ચક્રવાત ‘દિત્વાહ’ ઝડપથી ઉત્તર-ઉત્તરપશ્ચિમ દિશામાં આગળ વધી રહ્યું છે. ચક્રવાતના વધી રહેલા જોખમને ધ્યાનમાં રાખીને તમિલનાડુ, પુડુચેરી અને દક્ષિણ આંધ્રપ્રદેશના દરિયાકાંઠે હાઈ એલર્ટ જાહેર કરવામાં આવ્યો છે.
હવામાન વિભાગે ભારે વરસાદ અને તોફાની પવનની આશંકાને ધ્યાનમાં રાખીને ઓરેન્જ એલર્ટ જાહેર કર્યું છે. ચક્રવાતની અસરને કારણે દરિયામાં મોજાં ઉંચાં ઉછળવાની સંભાવના છે, જે સ્થાનિક માછીમારો અને દરિયાકાંઠાના રહેવાસીઓ માટે જોખમકારક બની શકે છે.
શાળા–કોલેજો બંધ, મુસાફરીમાં અસર
તોફાનના વધતા જોખમને કારણે તમિલનાડુના ઘણા જિલ્લાઓમાં શાળા અને કોલેજો બંધ રાખવાનો નિર્ણય લેવામાં આવ્યો છે. તેમજ કેટલીક ફ્લાઈટ્સ અને ટ્રેનો રદ્દ કરવામાં આવી છે. દરિયાકાંઠાના ગામોમાં રહેતા લોકોને સુરક્ષિત સ્થળે ખસેડવાની પ્રક્રિયા શરૂ કરવામાં આવી છે. માછીમારોને દરિયામાં ન જવાની સખ્ત સૂચના આપવામાં આવી છે, જ્યારે રાહત અને બચાવ દળને હંમેશા તૈયાર રાખવામાં આવ્યા છે.
સરકારની ચેતવણી અને તૈયારી
દરિયાકાંઠાના વિસ્તારોમાં રાહત અને કામગીરી દળ તૈયાર. માછીમારોને દરિયામાં ન જવાનીS TRICT મનાઈ. જનતાને ઘરેથી બહાર ન નીકળવાની સલાહ.
લોકો માટે સલાહ
તોફાન દરમ્યાન વીજળીના ખંભા, વૃક્ષો અને દરિયા કાંઠાને નજીક ના જવું. મોબાઇલમાં હવામાનની ઑફિશિયલ અપડેટ પર નજર રાખવી. પાણી, દવાઓ અને લાઈટ જેવી જરૂરિયાતોની તૈયારી રાખવી. પરિવાર–બાળકોને સુરક્ષિત સ્થળે રાખવું.
શ્રીલંકામાં ‘દિત્વાહ’ ચક્રવાત મચાવી તબાહી
શ્રીલંકામાં ‘દિત્વાહ’ ચક્રવાતે ભારે વિનાશ સર્જ્યો છે. છેલ્લા 24 કલાકમાં 300 મીમીથી વધુ વરસાદ નોંધાયા બાદ દેશના અનેક વિસ્તારમાં પૂર જેવી પરિસ્થિતિ ઉભી થઈ છે. હવામાન વિભાગે ચેતવણી આપી છે કે ચક્રવાત આગામી 12 કલાકમાં વધુ તીવ્ર રૂપ ધારણ કરી શકે છે. કારણે, તીવ્ર પવન અને સતત વરસાદની અસરથી સામાન્ય જનજીવન પ્રભાવિત થયું છે અને સુરક્ષા સંકટ ઊભું થયું છે.
Cyclone Ditwah IMD સત્તાવાર વેબસાઈટ : અહીં ક્લિક કરો
નિષ્કર્ષ
ચક્રવાત ‘દિત્વાહ’ (Cyclone Ditwah) આગામી કલાકોમાં પ્રચંડ તોફાન રૂપે દરિયાકાંઠા વટાવશે એવી IMDની આગાહી છે. તેથી તમિલનાડુ, પુડુચેરી સહિતના વિસ્તારોમાં લોકો ને સતર્ક રહેવા અને સત્તાવાર માર્ગદર્શિકાનું પાલન કરવાની અપીલ છે.