RBI Deputy Governor Poonam Gupta: 7-9 એપ્રિલ, 2025 ના રોજ યોજાનારી મહત્વપૂર્ણ નાણાકીય નીતિ સમિતિ (MPC) ની બેઠક પહેલા RBI ના ડેપ્યુટી ગવર્નર તરીકે પૂનમ ગુપ્તાની નિમણૂક કરવામાં આવી છે.
RBI Deputy Governor Poonam Gupta: કેન્દ્ર સરકારે નેશનલ કાઉન્સિલ ઓફ એપ્લાઇડ ઇકોનોમિક રિસર્ચ (NCAER) ના ડિરેક્ટર જનરલ પૂનમ ગુપ્તાને ત્રણ વર્ષના કાર્યકાળ માટે રિઝર્વ બેંક ઓફ ઇન્ડિયા (RBI) ના ડેપ્યુટી ગવર્નર તરીકે નિયુક્ત કર્યા છે. તેમની નિમણૂક 7-9 એપ્રિલ, 2025 ના રોજ યોજાનારી મહત્વપૂર્ણ નાણાકીય નીતિ સમિતિ (MPC) ની બેઠક પહેલા કરવામાં આવી છે. તેઓ આ વર્ષે જાન્યુઆરીમાં નિવૃત્ત થયેલા માઈકલ પાત્રાનું સ્થાન લેશે.
RBI Deputy Governor Poonam Gupta
- પૂનમ ગુપ્તા બન્યા રીઝર્વ બેંકના નવા ડેપ્યુટી ગવર્નર
- ત્રણ વર્ષનો રહેશે કાર્યકાળ
- તેમની નિમણૂક માઈકલ પાત્રાના સ્થાને કરવામાં આવી
રીઝર્વ બેંકના નવા ડેપ્યુટી ગવર્નર પૂનમ ગુપ્તા કોણ છે?
મંત્રીમંડળની નિમણૂક સમિતિએ પૂનમ ગુપ્તાની નિમણૂકને મંજૂરી આપી છે, જેઓ વડા પ્રધાનની આર્થિક સલાહકાર પરિષદના સભ્ય પણ છે. નેશનલ કાઉન્સિલ ઓફ એપ્લાઇડ ઇકોનોમિક રિસર્ચ (NCAER)નું નેતૃત્વ કરતા પહેલા, તેમણે ઇન્ટરનેશનલ ફાઇનાન્સ કોર્પોરેશનમાં ગ્લોબલ મેક્રો એન્ડ માર્કેટ રિસર્ચ માટે લીડ ઇકોનોમિસ્ટ તરીકે સેવા આપી હતી. તેઓ ઇન્ડિયન કાઉન્સિલ ફોર રિસર્ચ ઓન ઇન્ટરનેશનલ ઇકોનોમિક રિલેશન્સ અને દિલ્હી સ્કૂલ ઓફ ઇકોનોમિક્સમાં પ્રોફેસર અને ઇન્ટરનેશનલ મોનેટરી ફંડ (IMF)માં સંશોધક પણ રહી ચૂક્યા છે.
પૂનમ ગુપ્તા એક જાણીતા અર્થશાસ્ત્રી છે જેમને વિશ્વ બેંક અને આંતરરાષ્ટ્રીય નાણાકીય ભંડોળ (IMF) માં લગભગ 20 વર્ષનો અનુભવ છે. તેઓ ભારતમાં સરકારી સલાહકાર પણ રહી ચૂક્યા છે. અગાઉ, તેઓ નેશનલ કાઉન્સિલ ઓફ એપ્લાઇડ ઇકોનોમિક રિસર્ચ (NCAER) ના ડિરેક્ટર જનરલ હતા, જે નવી દિલ્હી સ્થિત એક જાણીતી થિંક ટેન્ક છે.
