ગુજરાતમાં મતદાર યાદી ખાસ સઘન સુધારણા પૂર્ણ: ગુજરાતમાં ચૂંટણી પંચ દ્વારા હાથ ધરાયેલી SIR મતદાર યાદી સુધારણા ઝુંબેશ પૂર્ણ થઈ છે. 19 ડિસેમ્બર 2025ે મુસદ્દા મતદાર યાદી જાહેર થશે, જ્યારે 18 જાન્યુઆરી 2026 સુધી વાંધા–દાવા કરી શકાશે.
ગુજરાતમાં મતદાર યાદી ખાસ સઘન સુધારણા પૂર્ણ
ભારતના ચૂંટણી પંચની સૂચના અનુસાર ગુજરાત રાજ્યમાં હાથ ધરવામાં આવેલી મતદાર યાદીની ખાસ સઘન સુધારણા (SIR) ઝુંબેશનો ગણતરી તબક્કો સફળતાપૂર્વક પૂર્ણ થયો છે. રાજ્યમાં 27 ઓક્ટોબર 2025થી શરૂ કરાયેલી આ ઝુંબેશે મતદાર યાદીની શુદ્ધતા અને સર્વસમાવેશિતાને વધુ મજબૂત બનાવવામાં મહત્વની ભૂમિકા ભજવી છે.
ગણતરી તબક્કાની કામગીરી રાજ્યભરમાં 100 ટકા પૂર્ણ
ભારતના ચૂંટણી પંચની સૂચના અનુસાર ગુજરાત રાજ્યમાં હાથ ધરવામાં આવેલી મતદાર યાદીની ખાસ સઘન સુધારણા (SIR) ઝુંબેશનો ગણતરી તબક્કો સફળતાપૂર્વક પૂર્ણ થયો છે. રાજ્યમાં 27 ઓક્ટોબર 2025થી શરૂ કરાયેલી આ ઝુંબેશે મતદાર યાદીની શુદ્ધતા અને સર્વસમાવેશિતાને વધુ મજબૂત બનાવવામાં મહત્વની ભૂમિકા ભજવી છે.
સમયમર્યાદા વધારાથી કામગીરી વધુ અસરકારક બની
ચૂંટણી પંચ દ્વારા ગણતરી તબક્કાની સમયમર્યાદા વધારીને 14 ડિસેમ્બર 2025 સુધી રાખવામાં આવી હતી, જેના કારણે મતદારોને ફોર્મ પરત કરવા માટે વધારાના ત્રણ દિવસ મળ્યા હતા. પરિણામે રાજ્યભરના તમામ 33 જિલ્લાઓમાં ગણતરી તબક્કાની કામગીરી 100 ટકા પૂર્ણ કરવામાં આવી છે. રાજ્યના કુલ 182 વિધાનસભા મતવિસ્તારોમાં ચકાસણીની પ્રક્રિયા પૂર્ણ થઈ ચૂકી છે.
5.08 કરોડ ફોર્મનું વિતરણ, 4.34 કરોડ પરત
રાજ્યમાં કુલ 5.08 કરોડ મતદારોને ગણતરી ફોર્મનું વિતરણ કરવામાં આવ્યું હતું. તેમાંથી 4.34 કરોડ મતદારોએ ફોર્મ પરત કર્યા છે. પરત આવેલા તમામ ફોર્મનું સંપૂર્ણ ડિજિટાઇઝેશન પૂર્ણ કરવામાં આવ્યું છે. જ્યારે આશરે 44.45 લાખ મતદારોનું મેપીંગ થયું નથી.
ગણતરી દરમિયાન મોટા આંકડાઓ સામે આવ્યા
ગણતરીના તબક્કાના અંતે મતદાર યાદી સંબંધિત મહત્વપૂર્ણ વિગતો સામે આવી છે. જેમાં 18,07,277 અવસાન પામેલ મતદારોના નામ યાદીમાં નોંધાયેલા હોવાનું જણાયું છે. ઉપરાંત 9,69,813 મતદારો તેમના નોંધાયેલા સરનામે ગેરહાજર જોવા મળ્યા છે. સાથે જ 40,26,010 મતદારો કાયમી સ્થળાંતરિત થયેલા હોવાનું ધ્યાને આવ્યું છે. આ ઉપરાંત 3,81,534 મતદારોના નામ પુનરાવર્તિત હોવાનું પણ નોંધાયું છે.
BLO–BLA બેઠકો દ્વારા પારદર્શિતા સુનિશ્ચિત
મતદાર યાદીની ચકાસણી પ્રક્રિયામાં પારદર્શિતા જળવાઈ રહે તે માટે બૂથ લેવલ ઓફિસર (BLO) અને માન્ય રાજકીય પક્ષોના બૂથ લેવલ એજન્ટો (BLA) વચ્ચે બેઠકોનું આયોજન કરવામાં આવ્યું હતું. આ બેઠકોના નિષ્કર્ષ આધારે વિધાનસભા મતવિસ્તારવાર મતદારોની યાદી જિલ્લા ચૂંટણી અધિકારીઓ તેમજ મુખ્ય નિર્વાચન અધિકારી (CEO) ગુજરાતની વેબસાઈટ પર પ્રકાશિત કરવામાં આવી છે, જેથી મતદારો પોતે પણ સરળતાથી ચકાસણી કરી શકે.
19 ડિસેમ્બરે મુસદ્દા મતદાર યાદી જાહેર થશે
ચૂંટણી પંચ મુજબ આગામી 19 ડિસેમ્બર 2025ના રોજ મુસદ્દા મતદાર યાદી પ્રસિદ્ધ કરવામાં આવશે. ત્યારબાદ 19 ડિસેમ્બર 2025થી 18 જાન્યુઆરી 2026 દરમિયાન મતદાર યાદી સંબંધિત વાંધા–દાવા રજૂ કરી શકાશે.
ફોર્મ નં. 6 દ્વારા નામ દાખલ કરવાની તક
જે નાગરિકો ભારતના નાગરિક છે અને SIR પછી કોઈ કારણસર ડ્રાફ્ટ મતદાર યાદીમાં તેમનું નામ સામેલ ન થયું હોય, તેવા નાગરિકો જરૂરી આધાર પુરાવા સાથે ફોર્મ નં. 6 ભરીને મતદાર યાદીમાં નામ દાખલ કરાવી શકશે.
એકથી વધુ જગ્યાએ નામ રાખવું ગુનાહિત
ચૂંટણી પંચે સ્પષ્ટતા કરી છે કે મતદાર યાદીમાં એકથી વધુ જગ્યાએ નામ રાખવું કાયદેસર ગુનો બને છે. તમામ મતદારોને પોતાની વિગતો ચકાસી યોગ્ય સુધારા કરવા અપીલ કરવામાં આવી છે.
| ડીલીટ થયેલ નામો લીસ્ટ ચેક કરો | અહીં ક્લિક કરો |
| માયઓજસઅપડેટ હોમ પેજ | વિઝીટ કરો |